Færeyskir knattspyrnu sæða e. Jákup á Klettinum og Guðlaug Bolla Bollason

Eins og lesendur Tómata í rökkri hafa e.t.v séð er hinn færeyski fréttaritari miðilsins hvað duglegastur að miðla fréttum frá eyjunum asnalegu. Í fréttaskeytinu kemur glögglega fram að íþróttin Fótbolti hafi tapað á miðvikukvöldið í Gúndadalm en þá léku HB og B36 en lengi vel fór leikurinn þannig fram að leikmenn sæddu hvurn annan og hafði dómarinn gaman af og viðhafðist ekkert, en lét þó hafa eftir sig að leiksloknum að B36 kunni að fá sér meðferð fyrir að leggja hendi undir og aftan á rassin sinn.

Fréttaskeytið má lesa í heild sinni hér.

B36 sá reytt

Fótbóltur: Fótbóltsspælið tapti í Gundadali mikukvøldið, tá HB og B36 spældu ein tann vánaligasta dystin, sum leingi er sæddur millum hesi bæði liðini. Dómarin kom í andglettin, og B36 kann vænta sær karantenur fyri tað, sum hendi undir og aftan á dystin

 

Ný hugsanleg flensa skýtur rótum í Færeyjum e. Jakúp á Klettinum

Upp er kominn mjög svo sennilegur heilslufarsvandi í Færeyjum en er það svokallaður augnbruni. Sjúklingurinn Renu Moistureloc sem hefur þegar fengið augnbruna vill þó ekki geta nafns síns í tengslum við pestina. Flensan lýsir sér í´því að það kviknar í augum manna án nokkurs fyrirvara og brenna þau til kaldra kola. Þetta kemur fram í pistli Jakúps á Klettinum en það skal þó tekið fram að einungis er um mögulegan heilsuvanda að ræða:

Føroyskur illgruni til umstrídda linsuvesku

Møguligur heilsuvandi: Ein føroyskur brúkari av linsuveskuni, Renu Moistureloc, fekk eygnabruna stutt eftir at hava skift til júst hetta slagið av linsuvesku. Brúkarin, sum ikki vil standa fram við navni, hevur havt bruna í eygunum líka síðani

Tröll fá loksins skjól yfir höfuðið e. Jákup á Klettinum

Hinn duglegi fréttaritari Tómata í rökkri, í Færeyjum, lætur sitt ekki eftir liggja. Dugnaðurinn er hans aðall enda streyma fréttaskeytin frá honum. Nú segir hann okkur frá því hvernig Færeyingar hafa hug á því að stuðla að frekara jafnrétti, en þ.e m.a gert með því að Tröllin í landinu fá loksins að byggja hús í Klakksvík og þurfa því ekki að vera í eilífum felum alltaf hreint. En í ljósi stærðar Tröllanna þurfa húsin einnig að vera eftir því, og verða því þau stór eins og gefur að skilja.

 Skeytið má lesa í heild sinni hér:

Trøllapætur fær stór hús

Íkast til ferðavinnuna: Klaksvíkar býráð hevur givið loyvi og hevur játtað at stuðla við góðari hálvari millión, so Trøllapætur kann byggja hús í Klaksvík

Íþróttafréttir e. Jakúp á Klettinum

Brussurnar í bosníska kvennalandsliðinu í handbolta gjörsamlega bumbuðu hið færeyska lið niður og hefndu því fyrir stöllur sínar frá Albaníu en þrátt fyrir það náðu Færesku konurnar í silfur. Færeysku konurna voru klárlega með of litlar bumbur til að standa í hárinu á þeim bosnísku,

Fréttaskeyti Jakúps má lesa hér:

Bumbaðar niður móti Bosnia

Hondbóltur: Føroyar kundu einki gera móti sera sterka bosniska landsliðnum, og tí bleiv tað enn einaferð til silvur í Challenge Trophy kappingini. Og tað var eisini í lagi, tí Føroyar vóru klárt næstbesta lið í kappingini

Þá urðu brennuvargar færeyskir meistarar í handbolta. En nýtt uppsóp af brennuvörgum, þar sem flestir eru enn á skilorði, gerðu sér lítið fyrir og tóku titilinn. En þeir voru meistarar í stórum stíl.

Kyndil føroyameistari í stórum stíli

Hondbóltur: Kyndil er føroyameistari í manshondbólti í ár. Í seinnu FM-finaluni lótu havnarmenn ongan iva vera um, at teir eru tað besta liðið. Sigurin móti VÍF er næstan óhoyrdur í einum so avgerandi dysti, tí heili 14 mál vóru á muni. Kyndil vann 36-22, og tann sigurin var í lagi og fult uppiborin, tí har var klassamunur

Íþróttafréttir

Færeyingar gera það ekki endasleppt í handboltanum þessa daganna. En kvennalandslið færeyja setti á dögunum glæsilegt heimsmet í handbolta eða þegar þær gerðu sér lítið fyrir og unnu stöllur sínar frá Albaníu 81-1. Glæsilegt afrek.

 Leikurinn þótti hins vegar beinlínis láturlegur eins og færeyski fréttaritari Tómata í rökkri, Jákup á Klettinum, komst að orði í fréttaskeyti er hann sendi Tómötum í rökkri. Var mikið um spælingar inn á vellinum.

Skeytið má lesa í heild sinni hér:

 Hondbóltur: Føroyar settu allarhelst eitt nýtt heimsmet hósdagin, tá hondbóltslandsliðið hjá kvinnum vann 81-1 móti Albania. Men framyvir eiga Føroyar at sleppa undan at spæla móti einum hondbóltslandsliði sum tí albanska, tí dysturin var beinleiðis láturligur.

 Þetta voru Andrés og Jákup á Klettinum fyrir Tómata í rökkri.

Gagnrýni Skagfjörðs

Líkt og kemur fram á síðunni mun ritstjóri Tómata í rökkri einungis einskorða sig við hvers kyns gagnrýni. Þannig mun ritstjórinn gagnrýna leikrit, mat og vín allt eftir því hvernig sá gállinn er á honum hverju sinni.

 Í vikunni sem leið átti undirritaður leið um bæinn með það að leiðarljósi að gagnrýna hinn asíska bjór Asahi, n.t.t frá Japaníu. Japaníu bjórinn fæst ekki í ÁTVR heldur þarfa að sérpanta hann. Það gerði undirritaður með góðum fyrirvara.

Bjórinn kom í gleri allaleið frá Japaníu í Asíu. Umbúðirnar því óhentugar þegar enginn er upptakarinn nema tennurnar. En það hafðist. Fyrsti sopinn var ansi ljúfur. Mjúk fylling og hið ljúfa bragð lék við bragðlaukanna, þannig að flöskurnar tæmdust á augabragði ofaní magann. Þvílíku bragði hefur undirritaður vart kynnst áður. Enda var svo komið að undirritaður var orðinn vel meyr og dreif sig á skólaleikrit sem fyrsti bekkur Hagaskóla  var að æfa fyrir þemadaga.

Vel drukkinn ráfaði undirritaður inn um skólagangana og hreytti ókvæðisorðum að litlu krökkunum og spurði hvar þessi andskotans leiksýningin væri. Hafði undirritaður það á orði hvort hún væri ekki bara í rassgatinu á þér og bentu á skúringarkonuna sem moppaði yfir gólfin á göngunum eins og hún fengi mannsæmandi borgun fyrir það.

 Undirritaður fann sýninguna sem var ekki eins góð og hann vonaðist eftir. Leikararnir voru allir viðvaningar og ansi reynslulitlir. Fóru illa með textann og hikuðu og stömuðu í hvívetna. Milli stamana gafst þó tími til þess að sturta einum Asahi niður. Hrólfur í hlutverki Hans var afleitur, og á langt í land þar til að maður geti sagt að hann verði fullnuma. Það á einnig við um Kristínu Þóru í hlutverki Grétu. Það skildist varla neitt af því sem hún sagði enda ansi mjóróma og vel feimin. Engan vegin ,,pro" uppfærsla.

 Samantekt. Asahi 5 stjörnur - Hans og Gréta í uppfærslu Hagaskóla 0 stjarna

 - Skagfjörð ritstjóri

Sjálfstæðisflokkurinn sturtar hlassi e. Mjerð Markan

Nú fer að líða að sveitarstjórnarkosningum og skiptir miklu máli fyrir stjórnmálaöflin að hafa efstu menn á lista sem pólitíska þungavigtarmenn. Málefnin skipta engu, mennirnir miklu, það er alkunna.

Flestir flokkar sem sitið hafa að gullinu á síðasta kjörtímabili hafa fitnað líkt og púkinn á fjósbitanum og er fólkið á listunum engin undatekning. Upp til hópa eru þeir sem ríða feitu hrossunum í prófkjörunum, feitahlunkar og átvögl. Það má glöggt merkja víða um land. Fólkið velur feita fólkið og hafnar því spengilega.

Þeir sem vilj hafa áhrif í pólitík og vegna vel þurfa að vera feitir, alla vega með vel kýlda vömbina og alls ekki fyrir augað. Þeir formenn sjálfstæðisflokkinn sem virkilega má segja vegnað hafi vel, hafa síður verið fyrir útlitið að almenningsáliti. Davíð Oddson hefur sjaldan þótt vera fyrir augað en engu að síður skarað fram úr á pólitískum vettvangi. Aftur á móti var forveri hans Þorsteinn Pálsson hreint augnakonfekt en hreinn eyrnamergur sem formaður D - listans. Þannig mætti lengi telja.

 Án þess að þekkja staðarhætti sveitarfélagsins Hornafjarðar til hins ýtrasta lét Tómatar í rökkri gera fyrir sig vísindalega rannsókn á prófkjörum í sveitarfélaginu. Félagsvísindadeild Háskóla Íslands athugaði hvað ylli breyttum lista sjálfstæðisflokksins. Kom berlega í ljós að ekki hefði málefnaágreiningur riðið baggamuninn heldur kílóafjöldi og útlit frambjóðenda. Þannig hafi t.d augnkonfektið og vonarsteinn sjálfstæðisflokksins, Björn Emil Traustason goldið afhroð þar sem hann þótti of mikið fyrir augað og ekki nógu vel í holdum. Enda er það alkunna, líkt og að ofan greinir, að til þess að vegna vel innan sjálfstæðisflokksins þarf maður að hafa kjöt á beinum og ekki vera sigurstranglegur í fegurðarsamkeppnum.

Þannig er það. Mjerður Markan

Pistillinn - um jafnrétti e. Guðlaug Bolla Bollason

Nú ekki fyrir alls löngu ályktaði sameinuðu kvennahreyfingar á Íslandi um tillögur til breytinga á stjórnarskrá lýðveldisins Íslands nr. 33/1944. Í ljósi hugleiðinga Mjerðar Markans blaðamans á Tómötum í rökkri sem birt er hér að neðan og komið er inn á stjórnarskrána finnst mér rétt að taka upp þráðinn.

 Tillögurnar eiga að hafa það að markmiði að koma í veg fyrir kynjabundið misrétti, þannig er t.d lagt til að 1. mgr. 31. gr. stjórnarskrárinnar orðist svo:

   ,,Á Alþingi eiga sæti 63 þjóðkjörnir þingkarlar og þingkonur, kosin leynilegri hlutbundinni kosningu til fjögurra ára. Í kosningalögum skal nánar mælt fyrir um hvernig náð skuli sem jöfnustu hlutfalli kvenna og karla"

 greinin í dag er svohljóðandi:

  ,,Á Alþingi eiga sæti 63 þjóðkjörnir þingmenn, kosnir leynilegri hlutbundinni kosningu til fjögurra ára"

 Athugasemd 1. Með breytingunni yrði kynjahlutfall á þingi sem jafnast. Þannig gætu flokkar tæpast  boðið sig fram sem karlaframboð eða kvennaframboð. Með því væri hugsanlegt að tjáninga og skoðanafrelsi einstaka ,,einstaklinga af sitt hvortu kyni" væri varpað fyrir róða í ljósi breytinganna. Þannig gæti formaður karlalistans (ímyndaður listi sem á sér enga stoð í raunveruleikann) ekki boðið sig fram nema að því tilskyldu að kynjahlutfallið væri sem jafnast. Slík frelsisskerðing gæti að mínu mati varla talist jákvæð.

 Athugasemd 2. Með breytingunni yrði hinir 63 þjóðkjörnu annars vegar þingkarlar (sem mér finnst afar óþjállt og tyngist illa) og hins vegar þingkonur. Þannig væri þingheimur klofinn milli kynja. Er það í anda jafnræðis að gerður sé greinarmunur á ,,einstaklingum af sitthvoru kyni"?.

Í ljósi þess sem þessi greinarmunur væri gerður þyrfti að stíga skrefið alla leið til að alls jafnréttis  þannig að ljóst yrði að allir ættu sinn fulltrúa á þingi. Þannig gæti 1. mgr. 31. gr. stjórnarskrárinnar hljóðað:

   ,,Á Alþingi eiga sæti 63 þjóðkjörnir þingkarlar og þingkonur, kosin leynilegri hlutbundinni kosningu til fjögurra ára. Einnig eiga sæti á Alþingi samkynhneigðir þingkarlar og samkynhneigðar þingkonur í bland við gagnkynheigða. Þá eiga sæti á Alþingi þeir þingkarlar og þingkonur sem hneigjast til beggja kynja. Jafnramt eiga sæti á Alþingi blakkir þingkarlar og blakkar þingkonur, þingkonur af asískum uppruna og þingkarlar af asískum uppruna. Ennfremur eiga sæti á Alþingi eldri þingkarlar sem og eldri þingkonur jafnt sem yngri. Aukreitis eiga sæti á Alþingi rauðhærðir, dökkhærðir, ljóshærðir, sköllóttir þingkarlar sem og rauðhærðar, dökkhærðar, ljóshærðar og sköllóttar þingkonur. Limafallasjúkir, holdsveikir og fávitar. Þannig að á Alþingi verði tryggt að allir hópar þjóðfélagsins eiga sæti á Alþingi.  Í kosningalögum skal nánar mælt fyrir um hvernig náð skuli sem jöfnustu hlutfalli allra þeirra sem taldir eru upp í greininni"

 - Guðlaugur Bolli Bollason blaðamaður

Njóta allir mannréttinda - Hugleiðingar Mjerðar Markan

Það hefir oft sinnis komið upp í huga mér hvort allir þegnar landsins njóti fullra mannréttinda eða eins og stjórnarskráin gerir ráð fyrir eftir gildistöku mannréttindakaflans árið 1995. Hugleiðingar á borð við hvort blakkir jafnt sem gulir Íslendingar njóti jafns réttar í hvívetna á við hina hreinræktuðu, hvort sjúkir njóti jafns réttar í hvívetna á við hina hraustu eru dæmi um þær pælingar mínar.

 Nú gilda lög um aðgreiningu holdsveikra frá öðrum mönnum og flutning þeirra frá opinberum spítala nr. 3/1898 sem fyrir mistök voru tekin úr lagasafninu í kringum 1990 til þess einmitt að hinir holdsveiku gætu ekki kynnt sér misréttið og niðurlæginguna sem þeir verða fyrir með lögunum.

 í 4. gr. laganna er sá mikilvægi réttur tekin af holdsveikum að þeir megi ekki stunda samræði en þar segir í 1. tölul. ,,Holdsveikir mega ekki sofa hjá öðrum í rúmi"

Þá segir í 2. tölul. 4. gr. að holdsveikir skulu hafa sér hrákdalla og mega ekki hrækja á gólf í húsum manna.

Þetta ákvæði er  virkilega ósvífið en það gerir ráð fyrir því að holdsveikir hræki í tíma og ótíma á gólf séu þeir gestkomandi í húsi. Þarna er verið að segja að holdsveikir séu svo ókurteisir gestir, ókurteisari en hraustir að þeir hræki í tíma og ótíma á gólf í annara manna húsum. Þá gerir ákvæðið ráð fyrir því að holdsveikir fjárfesti í sérstökum hrákdalli en fái hann ekki að sama skapi frá íslenska ríkinu eða frá Tryggingastofnun, líkt og fólk sem fær hækjur.

Þá segir í 3. tölul. að þeir skuli hafa matarílát og borðbúnað sem þeir einir noti. 5. tölul. er sá sem er hvað ósvífnastur en þar segir orðrétt: ,,holdsveikir menn mega ekki stunda börn, ekki þjóna óholdsveikum mönnum og ekki vinna að matreiðslu fyrir aðra en sjálfa sig". Ef gagnályktað er frá ákvæðinu má glöggt merkja að ef maður er ekki holdsveikur þá er manni í lófa lagið við að stunda börn. Ákvæði mætti þá skilja á þann veg að ef Steingrímur Njálsson væri ekki holdsveikur, mætti hann stunda börn og gæti hann jafnframt matreitt ofaní gestinn. Það er ekki nóg að með ákvæðinu sé brotið gegn holdsveikum heldur er einnig brotið gegn börnum og í raun gegn blygðunarsemi þess sem hér ritar.

 Það er skoðun undirritaðs að 4. gr. holdsveikralaganna brjóti gegn mannréttindakafla stjórnarskrárinnar og mannréttindasáttmála evrópu og þá aðalega birtingarhátturinn en líkt og alkunna er voru lögin tekin út úr lagasafninu um 1990 til þess að holdsveikir gætu ekki kynnt sér misrétti það sem þeim er beitt með lögunum. Þetta fæst engan vegin staðist í góðu réttarríki.

 Þetta reit, Mjeður Markan.

Hinn skeleggi Skagfjörð myndast við að ritstýra vefmiðlinum Tómatar í rökkri

Nú á vormánuðum mun vefmiðillinn Tómatar í rökkri hefja göngu sína. Áskriftargjald verður í sögulegu lágmarki, eða ekki nokkur einasta króna.

 Hinn skeleggi Skagfjörð mun ritstýra vefmiðlinum. Blaðamenn koma hvaðanæva af landinu en meðal annars munu Mjerður Markan, Andrés og Guðlaugur Bolli Bollason henda inn nokkrum greinarkornum.